[日本]新手請教日本親子遊~~ [復制鏈接]

其實我想講既係，如果時間唔夠，我會建議你考慮另一條路線。 千葉縣！我下個月都係去呢到。之前幾年去日本滑雪，都係停一停千葉縣。因為有幾個景點幾值得去。


最出名當然係MOTHER FARM。四月去仲係最適當既時間。一來唔凍，二來仲有機會睇到油菜花田，甚至櫻花。 你小朋友鐘意動物，呢到就可以比佢親親大自然。

另外仲有個鴨川SEA WORLD 水族館，不過呢個就遠先先，搭車要搭好耐先去到。 你未必會考慮。


去千葉玩既話，我會建議你住係幕張。 幕張有間APA ，又平又有溫泉浸 （閒日計咋，一到星期六佢貴兩倍架）。附近又有OUTLET ，又有AEON MALL。OUTLET 直頭係可以係酒店行過去。AEON MALL都不過係十零分鐘車程。兩個地方都值得去。OUTLET 係比你太太去血拼的。AEON  MALL 唔單止SHOPPING，其實係好適合親子活動。因為佢有好多放電既鋪頭，同我地香港個間SUPER PARK 、冒險樂園 差唔多既野。當然，一大班小朋友去去玩會特別開心。淨係得你小朋友一個，就辛苦家長了。


仲有，由幕張去迪士尼都幾方便架。 咁你係幕張到住兩三晚，至少慳番唔少酒店錢。 幕張同東京比，你比同樣既價錢，得到既空間一定大過一倍。 千葉附近其實仲有好多日本人自己都好鐘意去既公園。你唔入東京，齋玩千葉都可以玩足一個星期。



當然，你係唔可能唔入東京的⋯⋯⋯玩兩晚啦。  

以下係幕張AEON MALL 入面幾家好岩帶小朋友去玩既店鋪：


Moff Cafe （動物CAFE）
http://moff-cafe.jp/shopinfo
AEON MALL 家庭購物中心3樓
+81 43-445-7055
星期五 10:00–20:00

Legend Sports heroes
http://www.legendheroes.co.jp/competition_list/

SPACE ATHLETIC “TONDEMI”
https://bandainamco-am.co.jp/kids/tondemi/makuhari-shintoshin/activity.html?area=kids
相關介紹 ：
https://play-life.net/zh-CHT/plans/24871

freezefox:其實我想講既係，如果時間唔夠，我會建議你考慮另一條路線。 千葉縣！我下個月都係去呢到。之前幾年去日本滑雪，都係停一停千葉縣。因為有幾個景點幾值得去。
最出名當然係MOTHER FARM。四月去仲係最適當既時間。一來唔凍，二來仲有機會睇到油菜花田，甚至櫻花。 你小朋友鐘意動 .. (2020-01-09 10:23) 

即係唔去河口湖同富士動物園?

至於入到東京，基本上，台場你係一定會去。


台場有LEGOLAND CENTER （但千萬千萬唔可星期六、日去，日本人都會去，你只會迫到想快D 走）。 有成層樓既高達睇，有大量商場，有世嘉遊戲中心，有科學館，有溫泉，有汽車展覽，有摩天輪，有宜家最新既光影館 （TeamLab） ⋯⋯⋯各式其式。一般黎講，一日係玩唔哂的。 你自己衡量。


之後⋯⋯⋯其實你都無咩時間剩了。 池袋也好，澀谷也好，是旦搵個地行下街，HEA 下，都夠鐘上機了。  

麻凡:諗都無諗過去巨蛋, 日本文化已經無參與好多年了, 我同我老婆都係, 都係停留木村後生的日劇年代, 唔須要趕潮流(講得出呢3 隻字都知OLD SCHOOL到一個點...), 我地唔知亦會唔太理而家日本最流行乜野, 後生仔去到一定會去邊等等.....而我個女都未"後生", 未駛煩住~~[表情] .. (2020-01-09 10:01) 

淺草、雷門寺、原宿、澀谷、晴空塔⋯⋯⋯


我大大話話去左大幾廿次日本，東京都十次八次⋯⋯⋯我一次都無去過上述呢D 地方。


東京鐵塔唔係有ONE PIECE 展既話我根本唔會去。

freezefox:淺草、雷門寺、原宿、澀谷、晴空塔⋯⋯⋯
我大大話話去左大幾廿次日本，東京都十次八次⋯⋯⋯我一次都無去過上述呢D 地方。 [表情]
....... (2020-01-09 10:33) 

上述呢D 地方我上次去sai..........
sosad

freezefox:我宜家搭親飛機去日本、韓國或其他東南亞地方， 大時大節都係講緊二千鬆D，平時閒日就一千鬆D。 搭慣哂，你要我比八千蚊買張去咁近地方既機票，我會好唔慣⋯⋯⋯
黎緊我復活節去台中，如果我拎盡個價，來回連稅都係一千蚊都唔駛⋯⋯⋯   .. (2020-01-09 09:21) 

大時大節都可以咁平？how？？
教下我啦~學你話，一家4口，淨機票都好重皮呀

麻凡:係咪話唔住東京駅, 住其他車站附近會平D? (2020-01-09 10:04) 

係呀， 咁多個JR 站， 東京駅最貴呀！

不過， 其實全部火車站附近 既酒店都貴，就算你去到品川，係正火車站隔離個D 酒店都係會貴D 。總之個原則係，你愈近車站就愈貴。 以東京駅為例，你5-10分鐘步行範圍內既酒店，撇除哂所有 4、5 星超豪酒店唔計，3 星都好，一家三口三人房都千幾蚊一晚。你搵到千頭都好本事了！ 要行十幾分鐘個D就開始平，有機會搵到一千蚊樓下一晚。 有機會咋。仲要睇日子。

如果你離開東京駅呢個大站，向左右隔離既地鐵站附搵，就可以搵到好多平酒店了。 例如東京駅為中心既話，附近既日本橋、神田、京橋、八丁崛、茅場町、有樂町等等。總之，離開東京駅愈遠就愈易搵到平酒店。

上野都係架，愈近上野駅就愈貴。其他邊個JR大站都係差唔多。你去D 熱門大站就一定係咁。

新宿、池袋個D 會好D 。 當然，你住到品川或日暮里 就更平添啦。

但其實你唔係要經常搭JR既話，你根本唔需要住近JR 站。有時，住近其他地鐵、近鐵、私鐵站，仲方便。尤其你只係係東京巿內玩既話，你其實唔會成日搭山手線的。而東京JR 其實就只得一條山手線，其他全部都唔關JR事。

freezefox:新年最貴。 復活節我反而成日可以搵到平機票。當然你既時間要靈活D 。唔可以限死個幾日。
所以老師買機票係特別貴D 的⋯⋯⋯ 呢點我明！ (2020-01-09 09:26) 

新年都貴，但我覺得復活最貴
始終復活假最短，大家都谷埋果幾日
最平係summer，因為最長

羅力亞:上述呢D 地方我上次去sai..........
sosad[表情] (2020-01-09 10:38) 

咁我揀3分1至一半夠了~~~

麻凡:佢唔識的~~只係佢未去過日本, 聽到"東京"個心會興奮D咁解囉~~[表情] (2020-01-09 10:03) 

佢之前唔識者，但知道去日本後，佢唔多唔少都會留意下。又或者好似你咁同朋友、網友吹下水 ，收集下情報架嘛。 一陣唔小心信錯D 三姑六婆，個D 大媽景點全部入哂耳，係都要你編哂D 大媽景點入行程到，你就弊弊都無咁弊。愈早同佢打定底愈好呀。

麻凡:機票貴囉...........[表情]
酒店都會貴左, 但酒店彈性大d, 貴咪唔住4-5星囉~~ (2020-01-09 09:50) 

如果去日本唔住4,5星，間房會細到得張床.................
或者考慮民宿

羅力亞:河口湖我宜家就係煩緊住宿[表情]  (2020-01-09 10:11) 

其實無咩煩架。一個字：錢！



我係你我就唔會煩呢個問題，難得去一次，又唔係個個月去，豪一次比佢啦。一晚半晚者。 你唔豪一晚出黎，將來後悔呀！

freezefox:係呀， 咁多個JR 站， 東京駅最貴呀！
不過， 其實全部火車站附近 既酒店都貴，就算你去到品川，係正火車站隔離個D 酒店都係會貴D 。總之個原則係，你愈近車站就愈貴。 以東京駅為例，你5-10分鐘步行範圍內既酒店，撇除哂所有 4、5 星超豪酒店唔計，3 星都好，一家 .. (2020-01-09 10:44) 

九百幾條鐵........
其實即係應該定好我想去邊先, 再諗我須唔須要住近JR站, 然後先再諗酒店~~

freezefox:佢之前唔識者，但知道去日本後，佢唔多唔少都會留意下。又或者好似你咁同朋友、網友吹下水 ，收集下情報架嘛。 一陣唔小心信錯D 三姑六婆，個D 大媽景點全部入哂耳，係都要你編哂D 大媽景點入行程到，你就弊弊都無咁弊。愈早同佢打定底愈好呀。  (2020-01-09 10:46) 

所以咪要上黎收下料囉, 有邊D值得去, 邊D唔值, D三姑六婆講完我都知點駁嘛~~~